Psa 108 | YON | STEP | Yook, God yaningko kankooni ye yook Dewidbed wongkoon. O God, ne niindem aom kuu kiringmiyiibban kangdommo, ne kuu ne inamen koremiibbed wangke yook wingkaniin.

Psalms 108

Yook 108

Yook, God yaningko kankooni ye yook Dewidbed wongkoon.

1 O God, ne niindem aom kuu kiringmiyiibban kangdommo,
ne kuu ne inamen koremiibbed wangke yook wingkaniin.
2 Haawiib laiyayiib, yiib kuu dembime!
Yiiwiib wangke wingkeni aron kakmendaniine awawini nambere wananuun.
3 OYariman, ne kuu ambibkin korem aombed eb yaa eso andaniin,
kwane ne kuu ambibkin maa maadan aombed ewaningko kankooni ye yook wingkaniin.
4 Eb womoniyiibban ye mimyob dowaken kuu miin darewoob, kukuu okad yirimbed kawene Ewen aom nandi ye kwane ambab arebban.
Eb ma korondiyiibban weng awini ye kerekmen kuu daane ambid aom nandoon.
5 O God, Ewen burudande ewaningko ariyiib kerok.
Eb nambiri kuu okad kumundin ari kerok.
6 Eb dingki wiwimbed nub kuu arewa yaa burudande binde awande.
Kwananeeb kumbed mimyob dowaken keendewendan kuu ben angka nongkobaneeb.
7 God kuu ye karadmombon aombed yedmoon,
“Nembed ne bondan burudande doreni okad Sekem kuu ne nimakarub yaa numbere kondaniin,
kwane Sukot dabon yiri kwangkon nekwane kumunkingkaniin, numbere kondi dowad.
8 Gilead kuu neman, Manase kwangkon neman,
Efraim kuu ne topi kamkono,
Yuda kuu ne king yaromkono yobdoodmo ooni yeman.
9 Moab kuu ne dingki oki yeman ye kobukmo yabad.
Idom ari kuu ne yonkad kiraraan.
Filistia ari kuu nembed burudande doraan kumbed komkaan.” andoon.
10 Kanembed ne nen siti bot kuukiib aom aomnaneen?
Kanembed ne nen ambibkin Idom aom wananeen?
11 O God, ebbedmo yimin. Eb komande nub wunekarundewen?
O God, eb komoyiibkob nub ana nangmidan yoom wanaibban?
12 Nub bondan yaa nangmi dowad nub awande,
amborom kuu karub ye aromkono awandaniiwe nangmanuub kuu korem yiminban kowe.
13 Nub kuu Godiib kumbed burudande doranuub,
kwane yembed nub bondan ari dorene ben kubunaneen.